زمان پارک میں عمران خان سے پرویز الٰہی نے ملاقات کی جس میں اسد عمر، فواد چوہدری، سینیٹر اعظم سواتی، حماد اظہر اور ایڈووکیٹ جنرل پنجاب احمد اویس شریک ہوئے۔

سیاسی رہنماؤں نے ملاقات میں الیکشن کمیشن کے متنازعہ اقدامات کے خلاف احتجاج جاری رکھنے پر اتفاق جب کہ اعلیٰ عدلیہ سے رجوع کرنے اور سیاسی آپشنز پر بھی بات چیت کی۔

اس موقع پر پنجاب اور خیبر پختونخواہ میں الیکشن کی تاریخ نہ آنے پر اظہار تشویش کیا گیا اور بیورو کریسی کی اکھاڑ پچھاڑ کے معاملات پر تبادلہ خیال کیا گیا۔

پرویزالٰہی نے عمران خان کو آئندہ سیاسی معاملات کے حوالے سے اپنی تجاویز سے بھی آگاہ کیا۔ ملاقات میں نگراں وزیراعلیٰ کی تقرری کو سپریم کورٹ لاہور رجسٹری میں آج چیلنج کرنے کا فیصلہ کیا، عدالت میں محسن رضا نقوی پر جانبداری کا الزام لگایا جائے گا۔