برفباری سے نظام زندگی درہم برہم ہوگیا ساتھ ہی سڑکیں بھی آمدورفت کے لئے بند کردی گئیں جبکہ مختلف علاقوں میں بجلی بھی منقطع ہے۔

شدید برفباری کے باعث بجلی کی تاریں ٹوٹ جاتی ہیں جس کی وجہ سے متعدد علاقے بجلی سے محروم ہوگئے ہیں۔

محکمہ موسمیات کا کہنا تھا کہ بالائی خیبرپختونخوا، کشمیراور گلگت بلتستان میں بارش اورپہاڑوں پربرفباری کا امکان ہے۔

دوسری جانب وادی کالام، مالم جبہ، گبین جبہ اور مہوڈنڈ میں برفباری کا سلسلہ جاری ہے، موسم سے لطف اندوز ہونے کیلئے ملک بھر سے سیاحوں نے وادی سوات کا رخ کرلیا۔