گزشتہ روز اداکارہ و ماڈل نے اپنی ٹوئٹ میں کہا تھا کہ مسلمان مالک مکان انہیں ان کے لباس اور عریانیت پھیلانے کی وجہ سے ریاست مہاراشٹر کے دارالحکومت ممبئی میں کرائے پر گھر نہیں دیتے۔

ساتھ ہی انہوں نے دعویٰ کیا کہ اسی طرح ہندو افراد انہیں مسلمان ہونے کی وجہ سے کرائے پر گھر دینے سے انکار کرتے ہیں۔

عرفی جاوید نے اپنی ٹوئٹ میں مزید بتایا کہ اسی طرح کچھ مالکان کو سیاسی دھمکیوں کا خوف رہتا ہے، جس وجہ سے وہ انہیں کرائے پر مکان نہیں دیتے۔

انہوں نے لکھا کہ ممبئی میں کرائے کا گھر تلاش کرنا بہت مشکل ہے۔