سماجی رابطے کی ویب سائٹ ٹوئٹر پرجاری بیان میں شیخ رشید نے کہا کہ 9 فروری کو آئی ایم ایف کی شرائط سب کو رُلادیں گی، ذبح خانے میں لے جائے گی اور سڑکوں پرماتم کرائے گی۔

سابق وزیرداخلہ نے مزید کہا کہ دیکھتے ہیں پہلے ڈالر 300 کا ہوتا ہے یا پیٹرول ہوتا ہے، 100روز میں الیکشن ناگزیر ہیں، صوبے اور مرکز میں اکٹھے ہوں گے ورنہ جوڈو کراٹے ہوں گے، ڈار کو آوٹ سورس کرنا ہوگا۔

شیخ رشید نے ایک اور ٹویٹ میں کہا کہ مریم کے آنے کے پہلے روز 35 روپے پیٹرول مہنگا کر کے سلامی دی گئی، پاکستان کی سلامتی سپریم کورٹ کے کندھوں پر آگئی، ساری قوم سپریم کورٹ کی طرف دیکھ رہی ہے۔

انہوں نے مزید کہا کہ الیکشن کرانے ہوں گے یا پھر جھاڑو پھر جائے گی، غریب کی تنخواہ کم از کم 50 ہزار کی جائے، عوام اداروں سے لڑے گی نہیں چوروں کو چھوڑے گی نہیں۔