پولیس رپورٹ کے مطابق 24 گھنٹے میں 112 اسٹریٹ کرائم کی وارداتیں ہوئیں جس میں 25 موبائل، 6 موٹرسائیکل ایک کاری چھینی گئی جب کہ 11 کاریں، 69 موٹر سائیکل چوری ہوئیں۔

رپورٹ میں بتایا گیا ہے کہ 24 گھنٹے کے دوران 104 ملزمان گرفتار ہوئے، 11 جرائم پیشہ افراد کو رنگے ہاتھوں گرفتار کیا اور پولیس مقابلوں میں ایک ڈاکو ہلاک، 4 زخمی ہوئے۔

کراچی پولیس چیف کا کہنا ہے کہ 21 اسٹریٹ کرمنلز، 7 ڈاکو، 7 کا رلفٹرز، ایک قاتل گرفتار جب کہ 11 منشیات فروش، 51 دیگر جرائم میں ملوث افراد گرفتار ہوئے۔

جاوید عالم اوڈھو نے اپنی رپورٹ میں لکھا کہ پولیس کی کارروائیوں میں 21 چھینے گئے موبائل فونز اور 20 مسروقہ گاڑیاں بھی برآمد کی گئی ہیں۔