سابق گورنر سندھ اور سینیئرلیگی رہنما محمد زبیرنے تصدیق کی ہے کہ شاہد خاقان عباسی نے اپنے عہدے سے استعفیٰ دے دیا ہے۔

شاہد خاقان عباسی کے استعفے کی خبر پر ترجمان کا ردعمل

محمد زبیرکا کہنا ہے کہ شاہد خاقان عباسی پارٹی ورکر ہیں اورسینیئررہنما ہیں، ان کا قد بہت بڑا ہے اور میرا نہیں خیال کہ عہدہ چھوڑنے سے ان کے قد میں کوئی فرق پڑے گا۔

واضح رہے کہ میڈیا پرسابق وزیراعظم اور مسلم لیگ ن کے سینیئرنائب صدر شاہد خاقان عباسی کے استعفے کی خبریں کل سے زیرگردش تھیں ، کہا جارہا تھا کہ وہ سینئر رہنماؤں سے مشاورت کیے بغیرمریم نواز کو پارٹی پوزیشن دینے پرنالاں تھے تھے اس لیے اپنا استعفیٰ پارٹی قیادت کو بجھجوا دیا۔

تاہم شاہد خاقان عباسی کے ترجمان حافظ عثمان عباسی نے آج صبح یسی خبروں کی تردید کرتے ہوئے کہا تھا کہ پارٹی سے استعفے کی خبر بے بنیاد ہے، وہ پارٹی کے سینئر نائب صدر ہیں۔ مشکل حالات میں پارٹی نہیں چھوڑی توآج کیوں چھوڑیں گے۔