اسلام آباد میں میڈیا سے غیر رسمی گفتگو کرتے ہوئے ایاز صادق نے کہا کہ حکومت لے کر سیاست نہیں ملک بچایا، اگر ملک کے لئے سیاست قربان ہوتی ہے تو ہو جائے، عالمی مالیاتی فنڈ (آئی ایم ایف) کے ساتھ جلد معاہدہ ہو جائے گا، جس کے بعد عوام کوریلیف دینے کی پوری کوشش کریں گے۔

وفاقی وزیر کا کہنا تھا کہ عمران خان حکومت نے ملک کو تباہ کیا، جن دہشت گردوں کو پی ٹی آئی دور میں چھوڑا گیا وہ آج دہشت گردی میں ملوث ہیں۔

لیگی رہنما کا کہنا تھا کہ خیبر پختونخوا میں 570 ارب روپے انسداد دہشت گردی (سی ٹی ڈی) کو بہتر بنانے کے لئے دیا گیا، پی ٹی آئی 10 سال تک صوبے پر حکمران رہی، لہٰذا تحریک انصاف اس پیسے کا حساب دے اور بتائے کہ یہ سارا پیسہ کہاں خرچ ہوا۔