وفاقی وزیر اطلاعات مریم اورنگزیب نے بتایا کہ کہ اے پی سی اب 7 کے بجائے9 فروری کو اسلام آباد میں منعقد کی جائے گی۔

مریم اورنگزیب کا کہنا تھا کہ آل پارٹییز کانفرنس میں دہشت گردی اور اس کے حوالے سے درپیش چیلنجز کا مقابلہ کرنے کی مشترکہ حکمت عملی مرتب کی جائے گی۔

انہوں نے بتایا کہ نیشنل ایکشن پلان پر بھی نظرثانی کی جائے گی۔

واضح رہے کہ اے پی سی میں ملک کی تمام قومی وسیاسی قیادت کو مدعو کیا گیا ہے تاہم پی ٹی آئی کی جانب سے کانفرنس میں شرکت نہ کرنے کا عندیہ دیا گیا ہے۔

اس سے قبل پی ٹی آئی نے پشاور دھماکے کے بعد مدعو کرنے کے باوجود ایپکس کمیٹی اجلاس میں بھی شرکت نہیں کی تھی۔

ذرائع کے مطابق وزیراعظم شہباز شریف نے مشاورت کے بعد تاریخ میں تبدیلی کی ہے۔