اسحاق ڈار وزارت خزانہ پہنچ گئے ہیں، اس موقع پر ایک بیان میں ان کا کہنا تھا کہ آئی ایم ایف سے مذاکرات آج مکمل ہوجائیں گے، عوام کو اچھی اچھی خبر ملے گی۔

انہوں نے کہا کہ آئی ایم ایف سےکئے وعدے اور اگر کوئی غلط کمٹمنٹ کی ہے تو بھی پوری کریں گے، آئی ایم ایف سے مذاکرات کے لئے رات 12 بجے تک کا وقت ہے، البتہ ان سے ہمیشہ ہی مذاکرات ہوتے ہیں۔

واضح رہے کہ گزشتہ روز پاکستان اور آئی ایم ایف وفد کے درمیان زیادہ تر معاملات میں اتفاق ہوگیا ہے، پاکستان نے آئی ایم ایف کو تمام شرائط پر عملدرآمد کی یقین دہائی کرادی ہے۔

ذرائع کا کہنا تھا کہ آئی ایم ایف بھی پاکستان کی یقین دہانیوں پر مطمئن ہوگیا ہے، لہٰذا مسودہ جمعرات کو مکمل اتفاق رائے کے ساتھ طے پا جائے گا۔