انہوں نے اسلحہ خانوں کی انسپکشن رپورٹس 28 فروری تک سینٹرل پولیس آفس طلب کرلیں ساتھ ہدایت دی کہ تمام اضلاع میں پولیس کے زیراستعمال اسلحہ کی باقاعدگی سے صفائی کو یقینی بنایا جائے۔

ڈاکٹرعثمان انور نے کہا کہ جن اہلکاروں کے زیر استعمال اسلحہ ہے، اس کی صفائی ستھرائی کے ذمہ دار وہ خود ہونگے اور پولیس کے زیر استعمال اسلحہ کی صفائی کی تفصیلی رپورٹ بھی سینٹرل پولیس آفس بھجوائی جائے۔

انہوں نے کہا کہ یکم مارچ کے بعد میں خود یا میرے منتخب نمائندے صوبے کے کسی بھی ضلع کے فیلڈ وزٹس کرکے سرپرائز انسپکشن کریں گے، اگر کسی جگہ جاری کردہ ہدایات پر عمل درآمد نظر نہ آیا تو متعلقہ افسران و اہلکاروں کے خلاف کارروائی میں کوئی ہچکچاہٹ محسوس نہیں کروں گا۔

آئی جی پنجاب نے اسلحہ کی صفائی اور انسپکشن کے حوالے سے تمام آر پی اوز، ڈی پی اوز، سی پی اوز اور یونٹ سربراہان کو مراسلہ بھجوا دیا۔