پی ایس ایل کے 8ویں سیزن کی افتتاحی تقریب کا آغاز گلوکار عاصم اظہر، شے گل اور فارس شفیع آفیشل سانگ سے کریں گے جبکہ تقریب میں ساحر علی بگا اور آئمہ بیگ بھی اپنی آواز کا جادو جگائیں گے۔

پاکستان کرکٹ بورڈ پی ایس ایل 8 کو سال کا سب سے بڑا اور بہتر ایونٹ بنانے کیلئے کافی پرجوش ہے۔ ملتان میں ہونیوالی افتتاحی تقریب میں بورڈ کی جانب سے بہترین اداکاروں کو بھی مدعو کیا گیا ہے۔

ذرائع کا مزید کہنا تھا کہ پی ایس ایل کی تاریخ میں پہلی بار افتتاحی تقریب میں ناصرف آگمنٹڈ ریالٹی اور ورچوئل ریالٹی کا استعمال کیا جائے گا بلکہ دنیا بھرمیں شائقین کرکٹ کو کیلئے ڈرون کی مدد سے لائٹ شو کا بھی منصوبہ بنایا گیا ہے۔

سیریز کا پہلا میچ 13 فروری کو ملتان کرکٹ اسٹیڈیم میں افتتاحی تقریب کے بعد کھیلا جائے گا۔