چینی میڈیا کے مطابق مشرقی چین کے صوبہ شانڈونگ میں مقامی بحری حکام نے کہا کہ انہوں نے صوبے کے ساحلی شہر ریزہاؤ کے قریب ایک نامعلوم اڑتی ہوئی چیز دیکھی ہے اور وہ اسے مار گرانے کی تیاری کر رہے ہیں۔

میڈیا رپورٹ کے مطابق بحری حکام نے ٹیکسٹ پیغامات کے ذریعے مقامی ماہی گیروں کو محفوظ رہنے کی یاد دہانی بھی کرائی ہے۔

یاد رہے کہ گزشتہ روز امریکی لڑاکا طیارے نے کینیڈا کی فضائی حدود میں اڑتی پراسرار شے کو مار گرایا جس کی تصدیق کینیڈین وزیراعظم جسٹن ٹروڈو نے کی تھی۔

واضح رہے کہ پچھلے دن امریکا کی جانب سے الاسکا کے اوپر اڑتی کسی ناقابل شناخت شے کو مارگرانے کا دعویٰ کیا گیا تھا۔

الاسکا میں پراسرار شے کو مار گرانے سے قبل بھی شمال مغربی ریاست مونٹانا کے اوپر ایک چینی غبارہ دکھائی دیا تھا جسے امریکی ایئر فورس نے مار گرایا تھا۔