حازم بنگوارکا نام ان کی تصاویروائرل ہوتے ہی صارفین کی پوسٹس کی زینت بنا اورکئی روز تک ان کے چرچے رہے، پس منظرجانے بغیرجہاں انہیں تنقید کا نشانہ بنایا گیا وہیں باشعورافراد کی جانب سے ان کی حمایت میں بھی بھرپورآواز اٹھائی گئی۔

اسسٹنٹ کمشنر اپنے کام اور دیگر مصروفیات سے اپنے فالوورز کو مکمل باخبررکھتے ہیں۔

تازہ ترین ٹویٹ میں انہوں نے پیشہ ورانہ مصروفیات کے دوران ایک بزرگ خاتون مداح سے ملاقات کی دلچسپ روداد سنائی۔

حاذم بنگوارنے بزرگ خاتون کے ساتھ دلکش تصاویرشیئرکرتے ہوئے بتایا کہ انہوں نے مجھے کام کرتے ہوئے پکڑا، یہ میرے ساتھ تصاویر کھنچوانا چاہتی تھیں’۔

انہوں نے لکھا کہ اماں کی دعاؤں اور مزاح نے ان کا دن یادگار بنادیا۔

سوشل میڈیا پردستیاب معلومات کے مطابق حازم بنگوار 30 دسمبر 1993 کو کراچی میں پیدا ہوئے۔ ان کی ووالدہ فیروز اکبر کا تعلق عراق سے ہے اور وہ ایک آرکیٹیکٹ ہیں جبکہ والد علی اکبر بنگوار پاکستان میں پولیس جنرل ڈی آئی جی کے طور پر خدمات انجام دے چکے ہیں۔

نیو یارک میں پلنے بڑھنےوالے حاذم بنگوار نے اے آئی یو لندن سے فیشن ڈیزائن اور مارکیٹنگ میں ڈگری لی اور پھر لندن سے ہی ایل ایل بی کیا۔ بعد ازاں پاکستان آکر سی ایس ایس کا امتحان پاس کیا۔

وہ پاکستان میں حاذم فاؤنڈیشن کے نام سے چیریٹی بھی چلاتے ہیں۔