سابق وفاقی وزیرفواد چوہدری نے اپنی ٹویٹ میں بتایا کہ انہوں نے امریکی سفیر اورسینئر سفارتی عملے سے ملاقات کی جو اچھی رہی ہے۔

فواد چوہدری کے مطابق اس ملاقات میں انہوں نے پاکستان میں انسانی حقوق کی بگڑتی ہوئی صورتحال پر تبادلہ خیال کیا۔

انہوں نے لکھا، ’ میں نے پی ڈی ایم حکومت کی جانب سے سیاسی مخالفین کے خلاف انسداد دہشت گردی اور توہین مذہب کے قوانین کے غلط استعمال پر پی ٹی آئی کے تحفظات سے امریکی حکام کو آگاہ کیا’۔

عمران خان کی گرفتاری کا خدشہ، زمان پارک میں کارکنوں نے ڈنڈے اٹھا لیے

فواد چوہدری نے اگلی ٹویٹ میں مزید کہا کہ اس ملاقات میں سیاسی صورتحال اور مختلف امور پر پی ٹی آئی کے مؤقف پر تبادلہ خیال کیا گیا۔

انہوں نے لکھا کہ اس طرح کی ملاقاتیں مساوات اور لوگوں کی فلاح و بہبود پر مبنی تعلقات کی باہمی خواہش کا حصہ ہیں۔