لیسکو حکام کا کہنا ہے کہ ڈسٹرکٹ جیل کوٹ لکھپت کی 5 کروڑ 70 لاکھ کی نادہندہ ہے۔

حکام کےمطابق کوٹ لکھپت جیل حکام کو متعدد بار نوٹس دیئے لیکن بل ادا نہیں کیا گیا، عدم ادائیگی کی وجہ سے جیل کے 6 کنکشن منقطع کئے گئے ہیں۔

لاہور پاور کمپنی کےمطابق بل کی ادائیگی تک جیل کی بجلی بحال نہیں کی جائے گی۔

لیسکو حکام کاکہنا ہےجیل کے کچھ حصوں میں بجلی کی بحالی سے نظام چل رہا ہے۔

دوسری جانب لیسکو نے بل نہ دینےپر رنگ روڈ اتھارٹی آفس کاہنہ کا کنکشن بھی کاٹ دیا۔ رنگ روڈ اتھارٹی آفس1 کروڑ 65 لاکھ روپے کا نادہندہ ہے۔