وزیراعلی نے وزیراعظم کو گزشتہ روز ہونے والے کراچی پولیس چیف دفترحملے کی تفصیلات سے آگاہ کیا جبکہ شہبازشریف نے کہا کہ اللہ تعالیٰ کا شکر ہے بڑا جانی نقصان یاتباہی نہیں ہوئی۔

وزیراعظم نے وزیراعلیٰ سندھ سے گفتگو کے دروان کہا کہ فورسز نے بڑی بہادری سے حملہ آوروں کا خاتمہ کیا اور تمام افسران اور اہلکاروں کوشاباش دیں۔

ان کا کہنا تھا کہ دہشت گردی کے خاتمے کیلئے صوبائی حکومتوں کی استعداد کاربڑھانے میں پوری معاونت کریںگے۔

وزیراعظم نے بروقت کارروائی اور موقع پر موجود رہنے کے لئے وزیر اعلیٰ سندھ مراد علی شاہ کے جذبے کی تعریف کی۔