سماجی رابطے کی ویب سائٹ ٹویٹر پر اپنی ٹویٹ میں پی ٹی آئی رہنما فواد چوہدری کا کہنا تھا کہ پاکستانی عوام اور ادارے ایٹمی پروگرام کے محافظ ہیں، تاہم اپنے اداروں کے سیاسی کردارپر تحفظات ہیں۔

فواد چوہدری کا کہنا تھا کہ ایٹمی پروگرام کی حفاظت کلیئے فوجی قیادت پر اتنا ہی یقین ہے جتنا خود پر ہے، بھارتی میڈیا جو مرضی پروپیگنڈا کرے پاکستان کا ایٹمی پروگرام جاری وساری رہےگا۔

پنجاب میں ہونے والی تقرریاں و تبادلوں پر ٹویٹ کرتے ہوئے فواد چوہدری نے کہا کہ میں ان افسران سے مطالبہ کرتا ہوں کہ وہ رضاکارانہ طور پر استعفیٰ دے دیں، یہ عوامی خدمت کے لیے اور پاکستانی بیوروکریٹس کی ساکھ کو بچانے کے لیے اہم ہے کہ افسران اب اپنا فیصلہ خود کریں۔