ترجمان پولیس کے مطابق تھانہ اسلام گڑھ نے چک 125 ون ایل کے رہائشی عاطف مجید کو فیصل آباد سے بازیاب کرالیا۔

اسلام گڑھ پولیس نے جدید ٹیکنالوجی سے استفادہ حاصل کرتے ہوئے مغوی کا سراغ لگایا۔

پولیس نے فیصل آباد سے ٹارگٹڈ کارروائی کے دوران ملزم وحید کو گرفتار کرتے ہوئے مغوی کو بازیاب کیا۔

ملزم وحید نے طالب علم کو بھلا پھسلا کر جھانسہ دیتے ہوئے اغواء کیا۔

ملزم عادی ہے اس سے پہلے بھی علاقے کے ایک نوجوان کو نوکری کا جھانسہ دے کر اپر پنجاب میں بند رکھا تھا۔

ملزم وحید گزشتہ واردات میں ایک نوجوان کے ورثا سے نوکری کے نام پر ساڑھے 5 لاکھ ٹھگ کر مغوی کو آزاد کرچکا ہے۔

پولیس ملزم سے مزید تفتیش جاری رکھے ہوئے ہے۔

ڈی پی او رضوان عمر گوندل نے کہا کہ والدین اور ورثاء اپنے بچوں کے تعلقات پرگھڑی نظر رکھیں۔