لکی مروت کے شہر درہ پیزو میں لکی سیمنٹ فیکٹری کے سامنے نامعلوم افراد نے فائرنگ کرکے اسسٹنٹ منیجرعبدالوہاب قتل کردیا۔

عبدالوہاب فیکٹری کے باہر ہوٹل میں چائے پی رہے تھے کہ اس دوران نامعلوم افراد نے فائرنگ شروع کردی جس سے وہ موقع پر ہی جاں بحق ہوگئے۔

مقتول کا تعلق ملتان سے بتایا جاتا ہے جبکہ نامعلوم افراد فائرنگ کے بعد فرار ہونے میں کامیاب ہوگئے۔

پولیس نے تحیقات کا اغاز کر دیا جبکہ مقتول عبدالوہاب کی لاش اسپتال منتقل کر دی گئی ہے۔