رہنما پی ٹی آئی امتیاز شیخ نے ایک بیان میں کہا کہ جیل بھرو تحریک کا آغاز 22 فروری دوپہر 2 بجے چیئرنگ کراس سے ہوگا جس میں عمر سرفرا زچیمہ، سینیٹر ولید اقبال گرفتاری دیں گے۔

امتیاز شیخ نے کہا کہ ڈاکٹر مراد راس، محمد خان مدنی، فواد رسول بھلر کے ہمراہ 200 کارکنان بھی گرفتاری دیں گے۔

دوسری جانب پی ٹی آئی کی جیل بھرو تحریک کے معاملے پر پنجاب حکومت نے مال روڈ اور لبرٹی چوک میں دفعہ 144 نافذ کردی۔

حکومت کی جانب سے لاہور کے دو بڑے علاوں میں دفعہ 144 نافذ کرنے کا نوٹیفکیشن جاری کردیا۔

نوٹیفکیشن کے مطابق دفعہ 144 کا نفاذ سات دن تک رہے گا، پابندی مال روڈ میاں میرپل سے سول سیکرٹریٹ تک لگائی گئی ہے۔

خیال رہے گزشتہ دنوں چیئرمین پی ٹی آئی عمران خان نے حکومت کے خلاف جیل بھرو تحریک کا اعلان کیا تھا۔