کراچی پولیس اۤفس پر حملے کی تحقیقات میں اہم پیشرفت سامنے اۤئی ہے۔ تحقیقاتی ذرائع نے انکشاف کیا ہے کہ شواہد اور تحقیق سے ثابت ہورہا ہے کہ پولیس اۤفس پر حملے کا منصوبہ کالعدم ٹی ٹی پی نے بنایا اور بھارتی خفیہ ایجنسی ’ را ’ نے بارود فراہم کیا۔

ذرائع کےمطابق تحقیقات کےدوران یہ چیز بھی سامنے اۤئی ہے کہ کے پی او حملہ اور چند ماہ قبل جامعہ کراچی میں ہونے والے دھماکے میں استعمال خودکش جیکٹس میں مما ثلت پائی گئی ہے۔

تحقیقاتی ذرائع کا مزید کہنا ہے کہ حملہ میں ملک دشمن جماعتوں کی کارروائی کے شواہد ملے ہیں۔

بم ڈسپوزل اسکواڈ کے ذرائع نے بتایا کہ برآمد دھماکا خیز مواد آر ڈی ایکس ہونے کا شبہ ہے اور خودکش جیکٹس مکینیکل سسٹم کے تحت تیار کی گئی تھی۔

ذرائع بی ڈی ایس نے مزید بتایا کہ کراچی پولیس اۤفس اور جامعہ کراچی یونیورسٹی حملے کی خودکش جیکٹس کا ڈیٹونیٹنگ سسٹم بھی ایک جیسا ہے۔

کراچی یونیورسٹی حملے میں کالعدم بلوچ لبریشن آرمی ملوث تھی جبکہ کے پی او حملے کی ذمہ داری کالعدم ٹی ٹی پی نے قبول کی ہے۔