ایس ایس پی (ایس آئی یو) جنید شیخ کے مطابق گرفتارملزمان میں محمد نسیم، نثار احمد اور اختر علی شامل ہیں تینوں ملزمان بینکوں سے کیش لیکر نکلنے والے لوگوں سے ڈکیتیاں کرتے تھے۔

جنید شیخ کا کہنا ہے کہ گینگ کا ایک ساتھی بینکوں کے اندر کسٹمر بن کرجاتا تھا اور اندرموجود ملزم بینک سے زیادہ کیش لیکر نکلنے والے اشخاص کی اطلاع باہرموجود ساتھیوں کودیتا تھا۔

ان کا مزید کہنا تھا کہ ملزمان نے ضلع سینٹرل میں متعدد وارداتوں اور ڈکیتیوں کا انکشاف کیا ہے جبکہ گرفتارملزمان سے تین عددپسٹلز اور دوموٹر سائیکلیں برآمد کرلی گئی ہیں۔

ایس ایس پی جنید شیخ نے بتایا کہ نا جائزاسلحہ کی برآمدگی پر ملزمان کے خلاف تھانہ ایس آئی یومیں مقدمات درج کرلیے گئےہیں مزید تفتیش جاری ہے۔