راولپنڈی میں شیخ رشید نے پاکستان تحریک انصاف کے رہنماؤں کے ہمراہ مشترکہ پریس کانفرنس کرتے ہوئے کہا کہ ہم نے وہ فیصلہ کرنا ہے، جوعمران خان نے کرنا ہے عمران خان نے مجھے کل کے پروگرام کے اعلان کا کہا ہے۔

انہوں نے کہا کہ پی ڈی ایم ٹولہ رات کے اندھیرےمیں ملک پرمسلط ہوا عمران خان جو فیصلہ کریں گے ہم عمل کریں گے۔

”میرے ساتھ 10 ایم این ایز گرفتاریاں دیں گے“ - عامرکیانی

پی ٹی آئی رہنما عامرکیانی نے کہا کہ کل لاہورمیں گرفتاری دی گئیں اور آج پشاور میں دیں گے، کل کمیٹی چوک پر میں گرفتاری دینے جارہا ہوں۔

میڈیا سے بات کرتے ہوئے انہوں نے کہا کہ میرے ساتھ 10 ایم این ایز گرفتاریاں دیں گے ہم کوئی تصادم نہیں چاہتے 2 اسمبلیاں تحلیل ہوچکیں الیکشن کروائے جائیں۔

واضح رہے کہ تحریک انصاف کی جانب سے آج خیبرپختونخوا میں جیل بھرو تحریک کا آغاز کیا گیا ہے۔