آل راؤنڈر مچل مارش اورگلین میکس ویل انجری سے صحتیاب ہونے کے بعد اسکواڈ میں واپس آگئے۔

گلین میکسویل ٹانگ اور مچل مارش ٹخنے کے فریکچر کا شکار تھے۔

فاسٹ بولر جھائے رچرڈسن کی بھی طویل عرصے بعد ٹیم میں واپسی ہوئی ہے جبکہ فاسٹ بولر جوش ہیزل ووڈ فٹنس مسائل کے باعث اسکواڈ میں شامل نہیں۔

نجی مصروفیت اور انجری کی وجہ سے بھارت سے آسٹریلیا واپس آنے والے پیٹ کمنز ٹیم کی قیادت کریں گے۔

اسٹیو اسمتھ اور ڈیوڈ وارنر، مچل اسٹارک، مارکس اسٹوئنس، کیمرون گرین اور مارنس لبوشین بھی اسکواڈ کا حصہ ہیں۔

بھارت اور آسٹریلیا کے درمیان ون ڈے سیریز کے میچز 17، 19 اور 22 مارچ کو کھیلے جائیں گے۔