خاندانی ذرائع کے مطابق لوک گلوکار واسو گاجانی عرصہ دراز سے شوگر بلڈ پریشر سمیت دیگر امراض میں مبتلا تھے۔

مزید بتایا کہ جمعہ کی شب رات گئے اپنے آبائی علاقے گوراناڑی ضلع صحبت پور میں انتقال کر گئے تھے۔

لوک گلوکار واسو گاجانی نے تنقیدی شاعری سے بلوچستان میں اپنا ایک منفرد مقام بنایا اور پاپ سنگر شہزاد رائے کے ساتھ کام کرکے ملکی اور بین الاقوامی سطح پر شہرت پائی۔

واسو گاجانی محکمہ پولیس بلوچستان میں درجہ چہارم کے ملازم تھے جنہوں نے ریٹائرمنٹ کے بعد باضابطہ طور پر گلوکاری شروع کی تھی۔

گلوکار کی نماز جنازہ بعد نماز جمعہ آبائی گاؤں گورناڑی میں ادا کی جائے گی۔

فنکار واسو گاجانی نے اپنے آخری ایام انتہائی مفلسی میں گزارے وہ اپنے آبائی گاؤں گور ناڑی میں انتہائی سادہ زندگی بسر کررہے تھے۔