سابق وزیراعلیٰ پنجاب چودھری پرویزالٰہی سے سابق وفاقی وزیر بریگیڈیئر (ر) اعجاز شاہ، سمیت دیگر سیاسی رہنماؤں نے ملاقات کی۔ اس موقع پر پرویزالہیٰ کا کہنا تھا کہ شہباز شریف نے کابینہ کے اجلاس میں کہا ہے کہ اب چائے میں چینی اور اسکے بسکٹ نہیں ملیں گے۔ ہر وزیر اپنا بجلی کا بل خود ادا کرئے گا، آئی ایم ایف کہتا ہے کہ اتنا سمجھ دار وزیر اعظم دنیا میں نہیں دیکھا وہ شہباز شریف کے شاداہنے بجا رہا ہے۔

چوہدری پرویزالہی نے کہا کہ شہباز شریف جیسا مانگنے کا طرہ امتیاز دنیا میں کسی کے پاس نہیں۔ اس طرہ امتیاز کی وجہ سے ہو سکتا ہے کہ انہیں فقیروں کی گینزبُک میں شامل کر دیا جائے۔

سابق وزیراعلیٰ کا کہنا تھا کہ پنجاب اور خیبرپختون خوا میں انتخابات پر ازخود نوٹس کی سماعت کرنے والے چیف جسٹس سمیت بیشتر جج اسی بینچ میں شامل تھے جنہوں نےعمران خان کے عدم اعتماد پر فیصلہ دیا تھا، اس فیصلے پر مریم اور ان کے ابا جی سمیت رانا ثناء اللہ تعریفوں کے پل باندھ رہے تھے۔