نگران وزیراعلیٰ پنجاب کی زیر صدارت لاہور میں منعقدہ اجلاس میں پتنگ بازی کی پابندی کے قانون پر عملدرآمد یقینی بنانے کیلئے اقدامات کا جائزہ لیا گیا۔

محسن نقوی نے کہا کہ پتنگ بازی اور ہوائی فائرنگ کرنے والوں کے خلاف بلا امتیاز قانونی کارروائی کی جائے۔

وزیراعلیٰ پنجاب بعض شہروں میں پتنگ بازی کے واقعات پر برہمی کا اظہارکیا۔

نگران وزیراعلیٰ نے کہا کہ پتنگ بازی کے نتیجے میں کسی بھی انسانی جان کا ضیاع برداشت نہیں کیا جائے گا پولیس ہوائی فائرنگ کرنے والوں کے خلاف بھرپور کارروائی یقینی بنائے۔

محسن نقوی نے کہا کہ پتنگ بازی کی مانیٹرنگ کیلئے ڈرون اور دیگر جدید ٹیکنالوجی سے استفادہ کیا جائے قصوراوردیگر اضلاع میں متوقع پتنگ بازی کے سدباب کیلئے پیشگی اقدامات کئے جائیں۔