اعظم نذیر تارڑ کے خلاف درخواست رانا شاہد ایڈووکیٹ کی جانب سے دائر کی گئی ہے۔

درخواست میں مؤقف اپنایا گیا ہے کہ اعظم نذیر تارڑ نے نجی ٹی وی کے پروگرام میں اعلی عدلیہ کے ججز کے خلاف بات کی، وفاقی وزیر قانون نے اعلیٰ عدلیہ کے الیکشن سے متعلق لیے گئے ازخود نوٹس کو ایڈوینچر قرار دیا، اعظم نذیر تارڑ نے کہا کہ اس کی قیمت قوم چکائے گی یہ الفاظ واضح طور پر عدلیہ مخالف بیانیہ ہے۔

درخواست میں مؤقف اپنایا گیا کہ ججز قانونی اور آئینی نکات پر اپنی رائے پر کاربند رہنے کے پابند ہیں، ججز کی قانونی رائے پر سیاسی بیان بازی عدلیہ کو متنازعہ بنانے کے مترادف ہے، عدلیہ مخالف بیان بازی پر وفاقی وزیرقانون کو عدالت طلب کیا جائے۔

درخواست میں استدعا کی گئی ہے کہ عدالت اعظم نذیر تارڑ کے خلاف توہین عدالت کی کارروائی کرے۔