گلبرگ انویسٹی گیشن پولیس نے ملزم کو گرفتارکیا ہے اور اس سے پہلے گروہ کے 8 ارکان گرفتار ہوچکے ہیں جبکہ 25 رکنی طالب علموں کا گروہ مختلف اسکولوں کے باہر لڑکوں پر تشدد کرتا تھا۔ گینگ کو 102 کے نام سے آپریٹ کیا جاتا ہے۔

پولیس کے مطابق لاہور کے علاقے گلبرگ میں ایک نوجوان پر تشدد کے الزام میں گینگ پر مقدمہ درج کرکے 2 طالب علموں کو گرفتار کیا گیا تھا۔

پولیس کا کہنا تھا کہ مختلف اسکولز کے کم عمر طالب علموں نے گروہ بنایا، گروہ کے دیگر افراد کے خلاف کارروائی کر رہے ہیں۔

چند روز قبل ملزمان نے ایک طالب علم کو اسنوکر کلب میں تشدد کا نشانہ بنایا تھا ملزمان تشدد کی ویڈیوز سوشل میڈیا پر اپ لوڈ کرکے خوف و حراس پھیلاتے تھے۔