پولیس حکام کے مطابق ٹینکر کوئٹہ سے کراچی آرہا تھا جس کو نادرن بائی پاس پر حادثہ پیش آیا جبکہ ٹینکرمیں پیٹرول نہیں 30 ہزار لیٹر ڈیزل موجود تھا۔

مزید بتایا کہ ٹینکرالٹنے کے باعث بھاری مقدار میں ڈیزل بہہ گیا جس کے بعد ٹینکرمیں موجود بقایا ڈیزل کو دوسرے ٹینکرمیں منتقل کر دیا گیا۔

پولیس کا کہنا ہے کہ ٹینکر سڑک کی دوسری جانب کھائی میں گرا تھا لیکن حادثہ میں کوئی جانی نقصان نہیں ہوا ہے۔

مزید کہا کہ حادثہ رات گئے پیش آیا تھا ٹینکر میں پیٹرول موجود ہونے کی اطلاع تھی لیکن دن کا آغاز ہونے پر واضع ہوا کہ ٹینکر میں پیٹرول نہیں ڈیزل موجود تھا۔