وزیر خارجہ بلاول کا کہنا تھا کہ بینظیر بھٹو پاکستان اور اسلامی دنیا کی پہلی خاتون وزیراعظم تھیں، بینظیر بھٹو نے مسلم ممالک کی خواتین پارلیمنٹیرینز کی پہلی کانفرنس کی سربراہی کی۔

انہوں نے کہا کہ فرسٹ ویمن بینک اور خواتین پولیس اسٹیشن بینظیر کے دور میں قائم کیے گئے۔

بلاول بھٹو نے اپنے خطاب میں کہا کہ پاکستان کی فوج میں خواتین افسران بھی شامل ہیں، پاکستان میں خواتین ہر شعبے میں اہم کردار ادا کررہی ہیں، پاکستان میں خواتین کے لیے کئی پروگرام شروع کیے گئے ہیں۔

بلاول بھٹو کا کہنا تھا کہ میں افغانستان کی حکومت سے اپیل کرتا ہوں کہ خواتین کی تعلیم میں تمام رکاوٹیں ختم کریں۔

ویمن ان اسلام کانفرنس سے اقوام متحدہ کی جنرل اسمبلی کے صدر نے بھی خطاب کیا۔