لیبیا میں تارکین وطن کی کشتی کو حادثہ پیش اۤیا تھا جس میں پاکستانیوں سمیت متعدد افراد جاں بحق ہوگئے تھے۔

کشتی حادثہ میں ڈوب کر جاں بحق ہونے والے 22 سالہ حسنین عارف اور 32 سالہ محمد ندیم کی میتیں گجرات پنچائیں گئی۔

روشن مستقبل کا خواب لے کر بیرون ملک جانے والے دونوں نوجوانوں کی میتیں جب گھر میں پہنچی تو کہرام مچ گیا اور رقت اۤمیز مناظر دیکھے گئے۔

حسنین عارف اور محمد ندیم کو نماز جنازہ کی ادائیگی کے بعد آبائی علاقوں میں سپردخاک کیا گیا۔

واضح رہے کہ برطانوی نشریاتی ادارے کی خبر کے مطابق 15 فروری 2023 کو لیبیا سے یورپ جانے والی کشتی الٹ گئی تھی۔ جس میں سوار 73 تارکین وطن لاپتہ ہوگئے تھے۔ ڈوبنے والی کشتی میں پاکستانیوں سمیت 80 افراد سوار تھے۔ حادثے میں 7 تارکین وطن بچ کر واپس لیبیا کے ساحل پر آئے لیکن ان کی حالت انتہائی خراب تھیں، انہیں فوری اسپتال منتقل کیا گیا جبکہ لاپتہ افراد کی لاشوں کو سرچ اینڈ ریسکیو اۤپریشن میں وقفے وقفے سے نکالا گیا۔