دہشت گردی کے خدشات کے پیش نظر سی ٹی ڈی نے لاہور سمیت 3 شہروں میں بڑی کارروائی کرتے ہوئے 12 دہشت گرد گرفتار کیا۔

سی ٹی ڈی حکام کے مطابق دہشت گردوں کی نشاندہی 61 مشتبہ افراد سے تفتیش کے دوران کی گئی، لاہور سے 3 دہشت گردوں کو حساس علاقے کے قریب سے گرفتار کیا گیا، دہشت گردوں کا تعلق کالعدم القاعدہ اور ٹی ٹی پی سے ہے۔

حکام کا کہنا ہے کہ دہشت گردوں سے بارودی مواد اور خودکش جیکٹ بنانے کا سامان برآمد ہوا ہے، دہشت گردوں کے نیٹ ورک حساس اضلاع میں تخریب کاری کرنا چاہتے تھے۔

سی ٹی ڈی حکام نے بتایا کہ گرفتار دہشت گردوں کے خلاف مقدمات درج کرکے تفتیش جاری ہے، رواں ہفتے 797 کومبنگ اور سرچ آپریشن کیے گئے، آپریشنز کے دوران 159 مشتبہ افراد کو گرفتار کیا گیا۔