لاہور میں ریلی کی اجازت نہ منے پر پی ٹی اۤئی رہنما علی زیدی نگراں وزیراعلیٰ پنجاب محسن نقوی اور مسلم لیگ (ن) کی قیادت پر برس پڑے۔

علی زید نے کراچی میں میڈیا سے گفتگو میں کہا کہ یہ عوام میں جائیں گے تو انہیں جوتے پڑیں گے، پورا پاکستان عمران خان کے ساتھ کھڑا ہے۔ محسن نقوی منہ بولے باپ کی پالیسی پنجاب لائے، کیئر ٹیکر حکومت میں گھر کے پلے نوکر ہیں۔

علی زیدی کا کہنا تھا کہ مریم نواز جلسوں میں کہہ رہی ہیں کہ میرے پاس ریکارڈ نگ ہیں لہذٰا ہم چاہتے ہیں کہ عدالت اس کا ازخود نوٹس لے۔

سندھ حکومت پر نتقید کرتے ہوئے پی ٹی آئی رہنما نے کہا کہ سندھ واحد صوبہ ہے جہاں ایڈ پھیل رہی ہے اور لوگ کتے کےکاٹنے سے مررہے ہیں۔