لاہور کے علاقے دھرم پورہ میں پولیس اور تحریک انصاف کے کارکن ایک بار پھر آمنے سامنے آگئے، پولیس زمان پارک کے گیٹ نمبر ایک تک پہنچ گئی۔

پولیس اور مظاہرین کے درمیان گزشتہ روز سے وقفے وقفے سے جھڑپیں جاری ہیں۔

کارکنوں کو منتشر کرنے کے لئے پولیس کی جانب سے شیلنگ اور واٹر کینن کا بھی استعمال کیا جارہا ہے جبکہ پی ٹی آئی کارکنان پتھراؤ کررہے ہیں۔

زمان پارک کی ملحقہ سڑکوں پر پولیس کی بھاری نفری موجود ہے، زمان پارک کی جانب جانے والے راستے کنٹینرز لگا کر بند کردیے گئے ہیں، اس کے علاوہ پولیس کی بکتر بند گاڑی بھی موجود ہیں۔

شیخوپورہ اور گوجرانوالہ سے بھی پولیس کی بھاری نفری زمان پارک پہنچ گئی ہے۔