حال ہی میں پاکستان کے معروف گلوکار شہزاد رائے نے ٹوئٹر پر اپنی ٹوئٹ میں لکھا ہے کہ ’ ChatGPT نے SAT, ACT, GRE, GMAT and LSAT تمام امتحان پاس کرلیے ہیں ’۔

شہزاد رائے نے لکھا کہ ’ اب اس کا ChatGPT کا اچھا سا رشتہ ڈھونڈو ورنہ میں خود ہی اس کو پروپوز کر دوں گا ’۔

ان دنوں چیٹ جی ٹی پی کے بڑے چرچے ہیں، یہ اوپن اے آئی پلیٹ فارم دنیا بھر میں تیزی سے مقبول ہوا ہے، اس پر سوالات لکھنے کی دیر ہوتی ہے اور یہ پل بھر میں تفصیلی جوابات دے دیتا ہے۔

اس کا مکمل نام ’چیٹ جنریٹیو پری ٹرینڈ ٹرانسفارمر‘ ہے، یہ اوپن آرٹیفیشل انٹیلی جنس پر مبنی ہے، عام فہم انداز میں کہیں تو یہ سادہ، بہترین مصنوعی ذہانت والا چیٹ بوٹ ہے۔