وفاقی وزیر قانون اعظم نذیر تارڑ نے سپریم کورٹ پروسیجر اینڈ پریکٹس ترمیمی بل 2023 قومی اسمبلی میں پیش کیا۔

اسپیکر قومی اسمبلی راجہ پرویز اشرف نے بل قائمہ کمیٹی برائے قانون و انصاف کو بجھوا دیا۔

ذرائع کا کہنا ہے کہ قائمہ کمیٹی کا اجلاس آج ہی ہوگا، جس کی منظوری سے قومی اسمبلی بل کی حتمی منظوری دے گی، مجوزہ بل کل سینیٹ میں پیش کیے جانے کا امکان ہے۔

بل کے مسودے کے مطابق ازخود نوٹس کے لئے چیف جسٹس اور 2 سینئر ترین ججز پر مشتمل کمیٹی فیصلے کرے گی۔

ازخود نوٹس کے خلاف اپیل کا حق ہوگا، اپیل دائر کرنے کے لئے 30 دن کا وقت مقرر ہوگا جبکہ اپیل کی سماعت میں 2 ہفتوں سے زیادہ تاخیر نہیں ہوگی۔