پولیس نے میمن گوٹھ تھانے میں درج مقدمے کی رپورٹ سندھ ہائیکورٹ میں جمع کرادی۔

رپورٹ میں پولیس نے کہا کہ شہبازگل اور دیگر کے خلاف کیس نہیں بنتا، اس لئے مقدمہ منسوخ کردیا ہے۔

عدالت نے پولیس رپورٹ کے بعد درخواست نمٹا دی۔

شہباز گل نے ملک الطاف جاوید ایڈووکیٹ کے توسط سے مقدمہ کالعدم قرار دینے کے لئے سندھ ہائیکورٹ میں درخواست دائر کی تھی۔

ملک الطاف جاوید ایڈووکیٹ نے کہا تھا کہ شہباز گل کے خلاف ان کے بیان پر لاہور میں مقدمہ درج ہوچکا ہے، ایک وقوعہ کے مختلف تھانوں میں مقدمات درج نہیں ہوسکتے۔

یاد رہےکہ گزشتہ سال 10 اگست کو پولیس نے شہباز گل، عماد یوسف اور دیگر کے خلاف میمن گوٹھ تھانے میں مقدمہ درج کیا تھا۔