اسلام آباد میں شہباز شریف سے ایم کیو ایم پاکستان وفد کی ملاقات ہوئی، وفد میں خالد مقبول صدیقی اور وفاقی وزیر انفارمیشن ٹیکنالوجی (آئی ٹی) امین الحق شامل تھے جب کہ بیٹھک میں وفاقی وزیر ایاز صادق بھی شریک ہوئے۔

ملاقات میں ایم کیو ایم وفد نے وزیراعظم کو سپریم کورٹ پریکٹس اینڈ پروسیجر بل کی منظوری پر مبارکباد پیش کی اور مردم شماری، کراچی کے مسائل سے آگاہ کیا۔

وزیرِاعظم شہباز شریف نے ایم کیو ایم کے تحفظات کو دور کرنے کی ایک بار پھر یقین دہانی کرائی جب کہ انہیں مسائل کے حل کی بھی ہدایات جاری کیں۔