غیرملکی میڈیا کے مطابق گزشتہ ہفتے آئی سی سی اجلاس میں غیر رسمی طور پر اس آپشن پر غور کیا گیا۔

پی سی بی نے تجویز دی کہ ایشیا کپ کے ماڈل کا اطلاق ورلڈ کپ کے میچز پر بھی کیا جاسکتا ہے۔

سیکیورٹی کو جواز بنا کر بھارت ایشیا کپ کے میچز پاکستان میں کھیلنے سے انکار کرچکا ہے۔

بھارت کے میچز نیوٹرل وینیو پر کھیلے جانے کے حوالے سے ابھی تک کوئی فیصلہ نہیں ہوا ہے۔

اجلاس میں پاکستان نے یہ مؤقف بھی اپنایا کہ اگر بھارت ایشیا کپ کے لئے پاکستان نہیں آتا تو اس کا اثر آئی سی سی چیمپئنز ٹرافی پر بھی ہوگا جو فروری 2025 میں پاکستان میں ہی شیڈول ہے۔

ایشیا کپ میں بھارت کے پاکستان نہ آنے کی صورت میں یو اے ای، عمان، سری لنکا اور انگلینڈ بھی بھارت کے میچز کی میزبانی کیلئے متوقع وینیوز کے طور پر زیر غور ہیں۔

ایشیا کپ میں پاکستان اور بھارت کے کم سے کم دو بار آمنے سامنے آنے کا امکان ہے۔