مراسلہ صدر پاکستان عارف علوی، وزیراعظم شہباز شریف، چیئرمین سینیٹ صادق سنجرانی اور اسپیکر قومی اسمبلی راجہ پرویز اشرف کو بھجوایا گیا ہے۔

مراسلہ جوڈیشل ایکٹوازم پینل کے چیئرمین اظہر صدیق ایڈووکیٹ نے ارسال کیا ہے۔

مراسلے میں کہا گیا کہ آئین کے آرٹیکل 70 کے تحت پارلیمنٹ کو یہ اختیار نہیں کہ وہ سپریم کورٹ سے متعلق قانون سازی کرسکے، آرٹیکل 195 رولز اینڈ پروسیجر بنانے کی بات کر رہا ہے اس میں ترمیم کی جاسکتی ہے۔

مراسلے میں مزید کہا گیا کہ سپریم کورٹ کے فیصلوں کے مطابق چیف جسٹس پاکستان سوموٹو لینے کا اختیار رکھتے ہیں، عدالتی اصلاحات بل کو فوری طور پر واپس لیا جائے ورنہ اعلیٰ عدالتوں سے رجوع کیا جائے گا۔