اسکاٹش فرسٹ منسٹر حمزہ یوسف نے بیوٹ ہاؤس اڈنبرا میں اپنے اہل خانہ کے افطار کی اور نماز کی امامت بھی کی، اس دوران ان کی فیملی کے افراد بھی موجود تھے۔

رپورٹس کے مطابق حمزہ یوسف کے اسکاٹش فرسٹ منسٹر بننے پر برطانوی وزیراعظم رشی سونک نے انہیں ٹیلیفون پر مبارکباد پیش کی۔

اس ضمن میں حمزہ یوسف کا کہنا تھا کہ برطانوی وزیراعظم رشی سونک سے گفتگو تعمیری تھی، برطانوی وزیراعظم سے کہا کہ لندن کواسکاٹش عوام کی خواہشات کا احترام کرنا چاہیے۔

حمزہ یوسف نے بتایا کہ رشی سونک کا کہنا تھا کہ برطانوی اور اسکاٹش حکومتوں کو پالیسی معاملات پر مل کر کام کرنا چاہیے۔

خیال رہے کہ 37 سالہ حمزہ یوسف مغربی یورپی ملک کی حکومت اور اسکاٹش نیشنل پارٹی کے سب سے کم عمر سربراہ ہیں۔