عامرخلیل نے کہا کہ ڈاکٹرز ٹیم نے ہاتھی کا معائنہ کیا ہے ایکسرے بھی کیے جارہے ہیں اور ہرممکن کوشش کر رہے ہیں کہ ہتھنی صحتیاب ہوجائے۔

انہوں نے کہا کہ 2 گھنٹے کامعائنہ کا وقت ہے ہاتھی کو کرین کی مدد سے سہارا دے کر کھڑا کیا گیا اور ہمیں انتظامیہ کی مکمل سپورٹ اور حمایت حاصل ہے۔

دوسری جانب گورنرسندھ کامران ٹسوری نے چڑیا گھرمیں اسپتال بنانے کی منظوری دیدی ہے۔

مزید پڑھیں: ہتھنی نور جہاں، فور پاز نے ایڈمنسٹریٹر کراچی کے دعوے کا پول کھول دیا

گورنرسندھ نے کہا کہ 25 دن پہلے معلوم ہوا کہ ہتھنی کی طبیعت ناساز ہے، مقامی، ویتنام، جرمنی، آسٹریا کے ڈاکٹرزعلاج کررہے ہیں۔

مزید کہا کہ 14سال سے ہتھنی ملکہ نور جہاں نے بچوں کولطف اندوزکیا جبکہ چڑیا گھر کے مسائل حل کیے جا رہے ہیں۔

کامران ٹسوری نے کہا کہ چڑیا گھر میں 3 ماہ میں اسپتال بنایا جائے گا جس کی سمری دیدی گئی ہے۔

واضح رہے کہ بیمار ہتھنی نور جہاں کے معائنے اور علاج کے لیے بین الاقوامی ادارے فور پاز کے ڈاکٹروں پر مشتمل چھ رکنی ٹیم کراچی چڑیا گھر پہنچی تھی۔

نورجہاں گزشتہ تین ماہ سے پیٹ کے نچلے حصے میں سوجن کے باعث سخت تکلیف اور اذیت کا شکار ہے، جس کا علاج شروع کردیا گیا۔