آئی ایس پی آر کے مطابق آرمی چیف جنرل عاصم منیر نے ایچ آئی ٹی کا دورہ کیا۔ پاک فوج کے سپہ سالار کو تکنیکی صلاحیتوں اور جاری منصوبوں پر بریفنگ دی گئی۔ آرمی چیف کی آمد پر چیئرمین ایچ آئی ٹی نے ان کا استقبال کیا۔

اس موقع پر جنرل عاصم منیر نے کہا کہ ایچ آئی ٹی علمی معیشت اور سرچ اینڈ ڈویلپمنٹ کا مرکز ہے، دفاعی پیداوار میں خود انحصاری سے برآمدات اور معیشت کو فائدہ ہوتا ہے۔ آرمی چیف نے افسروں اور ورک فورس کی صلاحیتوں پراطمینان کا اظہار کیا۔

جنرل عاصم منیر نے ہیوی انڈسٹریز ٹیکسلا کی مختلف فیکٹریز کے دورے کے دوران دفاعی مصنوعات کی تیاری اور ٹینکوں کی اپ گریڈیشن کا معائنہ کیا۔ انھوں نے ٹینک، اے پی سی، ریموٹ ویپن سسٹم اور مقامی ساختہ 155ایم ایم آرٹلری گن بیرل کا مشاہدہ بھی کیا۔