ملک بھر میں جاری ساتویں خانہ و مردم شماری پر سوالات اٹھنے لگ گئے ہیں۔ ذرائع کے مطابق کراچی اور حیدرآباد میں اب تک پچیانویں فیصد مردم شماری کے عمل میں کراچی کی آبادی 2017 کی مردم شماری سے بھی کم بتائی جارہی ہے۔

ذرائع کا کہنا ہے کہ کراچی ڈویژن کی اب تک کی آبادی ایک کروڑ 39 لاکھ شمار کی گئی ہے، حیدرآباد ڈویژن کی 1 کروڑ 10 لاکھ اور لاڑکانہ ڈویژن کی 71 لاکھ شمار کی ہے۔

ذرائع نے بتایا کہ ملک میں جاری مردم شماری کے مطابق کراچی اور حیدرآباد کی آبادی میں صرف 29 لاکھ کا فرق رہ گیا ہے جب کہ مجموعی طور پر سندھ کی کل آبادی 4 کروڑ 83 لاکھ سے زائد شمار کی گئی ہے۔