تحریک انصاف کے رہنماؤں اور کارکنوں کی جانب سے جلاؤ گھیراؤ اور توڑ پھوڑ کیس کی تحقیقات کرنے والی جے آئی ٹی نے عمران خان اور دیگر رہنماؤں کو طلبی کا تیسرا حکم نامہ جاری کر دیا ہے۔

پولیس ذرائع کا کہنا ہے کہ جے آئی ٹی نے عمران خان اور دیگر کو تیسرا حکم نامہ طلبی جاری کر دیا ہے، جس میں ان تمام کو 14 اپریل کو طلب کیا گیا ہے۔

ذرائع نے بتایا کہ چیئرمین پی ٹی آئی عمران خان، فواد چوہدری اور حماد اظہر جے آئی ٹی کے سامنے پیش نہیں ہوئے، جب کہ فرخ حبیب اور جمشید اقبال چیمہ بھی جے آئی ٹی کے روبرو پیش نہیں ہوئے، جب کہ عدالت نے تمام رہنماؤں کو جے آئی ٹی کے سامنے پیش ہونے کے احکامات جاری کئے تھے۔

پولیس ذرائع کا کہنا ہے کہ ملزمان کو طلبی کے 3 حکم نامے جاری کئے جاچکے ہیں، اورعدم پیشی پر ضمانت خارج کرنے کی استدعا کی جائے گی۔