نگراں وزیراعلیٰ خیبرپختونخوا اعظم خان کی زیرصدارت کابینہ کا اجلاس ہوا۔ جس میں سرکاری ملازمین کوعید سے پہلےتنخواہ دینے پرغور کیا گیا۔

کابینہ کو بریفنگ میں بتایا گیا کہ خیبرپختونخوا حکومت کے پاس تنخواہیں دینے کیلئے فنڈز دستیاب نہیں ہیں، وفاق کی جانب سےصوبائی حکومت کو فنڈز جاری نہیں ہوئے۔

اجلاس میں طویل مشاورت کے بعد صوبائی نگراں حکومت نے فیصلہ کیا کہ سرکاری ملازمین کوعید سے پہلےتنخواہیں نہیں دی جائیں گی، سرکاری ملازمین کو تنخواہیں یکم اپریل کو ہی کی جائیں گی۔

واضح رہے کہ ایک روز قبل وفاقی حکومت نے سرکاری ملازمین کو عیدالفطر سے پہلے ہی رواں ماہ کی تنخواہ دینے کا اعلان کیا تھا۔

وزیرخزانہ اسحاق ڈار نے سیکرٹری خزانہ کو اس حوالے سے فوری انتظامات کرنے کی ہدایت کی تھی۔ اس کے ساتھ وفاقی حکومت نے ماہانہ پنشن کی ادائیگی بھی عید سے پہلے کرنے کا اعلان کیا تھا۔