ذرائع وزارت خزانہ کے مطابق چین سے 30 کروڑ ڈالر پاکستان کو موصول ہو گئے ہیں، چینی بینک انڈسٹریل اینڈ کمرشل بینک (آئی سی بی سی) سے رقم اسٹیٹ بینک کو موصول ہوئی۔

ذرائع کا کہنا ہے کہ آئی سی بی سی نےمجموعی طور پر ایک ارب 30 کروڑ ڈالر کا قرض فراہم کیا، یہ رقم چین کے آئی سی بی سی بینک سے کمرشل قرض کے طور پر ملی ہے۔

اس سے قبل متحدہ عرب امارات نے آئی ایم ایف کو پاکستان کے لیے ایک ارب ڈالر دینے کی تصدیق کی۔

اس ضمن میں وزیر خزانہ اسحاق ڈار کا ایک بیان میں کہنا تھا کہ چینی بینک سے 30 کروڑ ڈالر کی رقم اسٹیٹ کو منتقل ہوگی جس سے ملکی زرمبادلہ کے ذخائر میں اضافہ ہوگا۔