ویڈیو میں دیکھا جا سکتا ہے کہ زیرِحراست شہری کو سادہ کپڑوں میں ملبوس اہلکار تشدد کا نشانہ بنا رہے ہیں جبکہ ویڈیو کے منظرعام پر آنے کے بعد ڈی آئی جی آپریشنزسید شہزاد ندیم بخاری نے نوٹس لیا ہے۔

ویڈیو سے متعلق ترجمان اسلام آباد پولیس کا کہنا ہے کہ تھانہ کھنہ کے محرر کو نوکری سے برخاست اور سب انسپکٹر کو معطل کرکے چارج شیٹ کردیا ہے۔

مزید کہا کہ ڈی آئی جی آپریشنز نے ڈی پی او انڈسٹریل ایریا زون کو انکوائری کرکے 24 گھنٹوں میں رپورٹ دینے کی ہدایت دی ہے اور دوران حراست کسی پر تشدد قابل برداشت عمل نہیں ہے۔