اپنے پیاروں کے ساتھ عید منانے کے لئے بے تاب مسافر جو کراچی سے اپنے آبائی علاقوں میں جانے کے لئے عید کی خصوصی ٹرین کا انتظار کررہے ہیں۔

ان مسافروں کا کہنا ہے کہ کرایوں میں اضافہ تو ہوا ہے لیکن اپنوں کے ساتھ عید ملنے کی خوشی میں سب برداشت ہے ۔

مسافروں نے محکمہ ریلوے کی جانب سے عید پر خصوصی ٹرین چلانے کے عمل کو خوش آئند بھی قرار دیا۔

پاکستان ریلویز نے عید الفطر کے موقع پر مسافروں کے لئے 5 خصوصی ٹرینیں چلانے کا اعلان کیا تھا۔

اس سلسلے میں دوسری عید سپیشل ٹرین آج کوئٹہ سے راولپنڈی روانہ ہوئی، تیسری ٹرین 19 اپریل کو کراچی سے لاہور، چوتھی ٹرین 26 اپریل کو راولپنڈی سے کوئٹہ جبکہ پانچویں اور آخری عید اسپیشل ٹرین 27 اپریل کو لاہور سے کراچی تک چلائی جائے گی۔